_{خله مهر و وفا داشته مه بابا}

               _{صفای چلچلا داشته مه بابا}

             _{نـوا و  لـلـوا داشتـه مه بابا}

             _{اِلامِت رَفِقـا داشـته مه بابا}

            _{مه جان پِر کجه سر بشتی بـوردی}

            _{مه ماره تو تِنار هَکـردی بـوردی}

             _{من ته صبر و صفای دور بگـردم}

             _{ته خوشکل دیم،  قِبای دور بگردم}

             _{جانِ پِر من تِوِسِه میرمه، میرمه}

             _{عَذای دائمی توسـه گیـرمه}

              _{من ته قد و ته قامت ره بلاره}

               _{ته معرفت ته طاقت ره بلاره}

                _{خِنه بی سِک و سو بَیه تِه بوردی}

                _{مِه چاشتِه گِدِر، سو بَیه تِه بوردی}

                 _{بِچا بچای خنده، بِرمِه بیه}

                 _{بِهار بی رنگ و بو بیه ته بوردی}

                 _{چِتی سِوی نماشون بَوه مِسِه}

                      _{نماشون، صِبحِ تابون بَوه مِسه}